டெல்லி கேப்டனாக பண்ட்: என்ன சொல்கிறார் ‛சின்னதல’ ரெய்னா

 

புதுடெல்லி, மார்ச் 31-

சுரேஷ் ரெய்னா

ஐ.பி.எல்.லில் டெல்லி அணிக்கு தலைமையேற்றுள்ள ரிஷாப் பண்ட் தலைசிறந்த கேப்டனாக மாறுவார் என சென்னை சூப்பர் கிங்ஸ் அணியின் நம்பிக்கை நட்சத்திரமான ‛சின்னதல’ சுரேஷ் ரெய்னா கூறியுள்ளார்.

பண்ட்டிற்கு வாழ்த்துகள்

டெல்லி கேப்பிட்டல்ஸ் அணியின் புதிய கேப்டனாக ரிஷாப் பண்ட் நியமிக்கப்பட்டு உள்ளார். அவருக்கு கிரிக்கெட் வீரர்கள், ரசிகர்கள் வாழ்த்துகள் தெரிவித்து வருகின்றனர்.

ரிஷாப் பண்ட்

அந்த வகையில் சென்னை சூப்பர் கிங்ஸ் (சி.எஸ்.கே.) அணியின் ‛சின்ன தல’ சுரேஷ் ரெய்னாவும், ரிஷாப் பண்ட்டிற்கு வாழ்த்து தெரிவித்துள்ளார்.

தலைசிறந்த கேப்டன்

இதுபற்றி சுரேஷ் ரெய்னா தனது டுவிட்டர் பக்கத்தில், ‛‛இந்த சீசனில் டெல்லி கேப்பிட்டல்ஸ் அணியின் கேப்டனாக தேர்வாகியுள்ள ரிஷாப் பண்டிற்கு இதயபூர்வமான வாழ்த்துகள். அவர் தலைசிறந்த கேப்டனாக மாறுவதோடு, அந்த பொறுப்புக்கு பெருமை சேர்ப்பார் என உறுதியாக நம்புகிறேன்’’ என கூறியுள்ளார்.