ஐ.பி.எல். போட்டிக்கான ‛அந்தம்’ பாடல் வெளியீடு: ஆடி அசத்தும் வீரர்கள்

புதுடெல்லி, மார்ச் 24- 

அடுத்த மாதம் தொடங்க உள்ள ஐ.பி.எல். போட்டிக்கான ‛அந்தம்’ பாடல் வெளியிடப்பட்டுள்ளது. விராட்கோலி, ரோகித் ஷர்மா, கே.எல்.ராகுல் உட்பட இந்திய வீரர் நடனமாடும் இந்த வீடியோ இணையதளத்தில் வைரலாகியுள்ளது.

ஐ.பி.எல். கிரிக்கெட்

2021ம் ஆண்டுக்கான ஐ.பி.எல். கிரிக்கெட் போட்டி அடுத்த மாதம் (ஏப்ரல்) 6-ந் தேதி தொடங்கி, மே மாதம் 30-ந் தேதி வரை நடக்கிறது. போட்டி அட்டவணை வெளியான நிலையில் 8 அணிகளும் பயிற்சியை தொடங்கி உள்ளன.

சென்னையில் நடக்கும் முதல் போட்டியில் ரோகித் ஷர்மா தலைமையிலான நடப்பு சாம்பியன் மும்பை இந்தியன்ஸ், விராட் கோலி தலைமையிலான ராயல் சேலஞ்சர்ஸ் பெங்களூரு அணிகள் மோத உள்ளன.

‛அந்தம்’ பாடல்

இந்நிலையில் இந்த ஆண்டுக்கான ஐ.பி.எல். கிரிக்கெட் போட்டியின் ‛அந்தம்’ பாடல் வெளியிடப்பட்டுள்ளது. ‛இந்தியா ஹா அப்னா மந்த்ரா’ என அந்த பாடல் தொடங்குகிறது.

பாடலுக்கு ஆர்.சி.பி., கேப்டன் விராட் கோலி, மும்பை இந்தியன்ஸ் கேப்டன் ரோகித் ஷர்மா, பஞ்சாப் கேப்டன் கே.எல்.ராகுல், டில்லி வீரர் ரிஷாப் பண்ட், ஐதராபாத் வீரர் விருத்திமான் சகா, சென்னை வீரர் கிருஷ்ணப்பா கவுதம், ராஜஸ்தான் வீரர் ரியான் பராக் ஆகியோர் தங்களது அணியின் ஓய்வறை டி-சர்ட் அணிந்து நடனமாடுகிறார்கள். இந்த வீடியோ இணையத்தில் தற்போது வைரலாகியுள்ளது. 

#iplstats #IPLANTHEMSONG #VIRATKOHLI #ROHITSHARMA #CSK #RCB #MI #KLRAHUL #MUMBAIINDIANS #IPLANTHEM #CRICBUZZ