கேப்டன் பொறுப்பில் பண்ட்: பயிற்சியாளர் ரிக்கிபாண்டிங்கின் சொல்வதென்ன

 புதுடெல்லி, மார்ச் 31-

ரிக்கி பாண்டிங் 

‛‛ரிஷாப் பண்ட்டை, கேப்டன் பொறுப்பு தலைசிறந்த வீரராக மாற்றும்’’ என டெல்லி கேப்பிட்டல்ஸ் அணியின் தலைமை பயிற்சியாளர் ரிக்கி பாண்டிங் நம்பிக்கை தெரிவித்துள்ளார்.

ரிக்கி பாண்டிங் கருத்து

ஐ.பி.எல்.லில் டெல்லி அணியின் புதிய கேப்டனாக ரிஷாப் பண்ட் நியமிக்கப்பட்டுள்ளார். ஸ்ரேயாஸ் அய்யர் காயமடைந்த நிலையில் இந்த புதிய பொறுப்பு ரிஷாப் பண்டை தேடி வந்துள்ளது.

ரிஷாப் பண்ட்

இந்நிலையில் ரிஷாப் பண்ட்டிற்கு கேப்டன் பொறுப்பு வழங்கப்பட்டது குறித்தும், அதனால் அவர் பெற உள்ள பலன்கள் குறித்தும் அந்த அணியின் தலைமை பயிற்சியாளர் ரிக்கி பாண்டிங் கருத்து தெரிவித்துள்ளார்.

தலைசிறந்த வீரராக மாற்றும்

இதுபற்றி ரிக்கி பாண்டிங் தனது டுவிட்டர் பக்கத்தில், ‛‛துரதிர்ஷ்டவசமாக ஸ்ரேயாஸ் அய்யர் இந்த முறை ஐ.பி.எல்.லில் பங்கேற்ற முடியாத நிலை ஏற்பட்டுள்ளது. ஆனால் ரிஷாப் பண்ட்டிற்கு வழங்கிய வாய்ப்பை அவர் எப்படி பயன்படுத்துகிறார் என்பதை பார்க்க இயலும்.

சமீப காலமாக சிறப்பாக விளையாடி அதிக நம்பிக்கையுடன் உள்ள ரிஷாப் பண்ட்டிற்கு கேப்டன் பதவி கிடைத்துள்ளது. இது அவருக்கு கூடுதலாக ஊக்கமளிக்கும். கேப்டன் பொறுப்பு நிச்சயம் அவரை தலைசிறந்த வீரராக மாற்றும் என நம்புகிறேன்’’ என குறிப்பிட்டுள்ளார்.