கனவு நனவானதால் மிக்க மகிழ்ச்சி: கேப்டன் பதவி குறித்து பண்ட் விளக்கம்

 புதுடெல்லி, மார்ச் 30-

ரிஷாப் பண்ட்

ஐ.பி.எல். கிரிக்கெட்டில் டெல்லி கேப்பிட்டல்ஸ் அணியின் புதிய கேப்டனாக ரிஷாப் பண்ட் தேர்வாகியுள்ளார். இதுபற்றி அவர் கூறுகையில், ‛‛ கனவு நனவானது. மிக்க மகிழ்ச்சியாக இருக்கிறேன்’’ என்றார்.

புதிய கேப்டன் பண்ட்

ஐ.பி.எல். கிரிக்கெட்டில் டெல்லி கேப்பிட்டல்ஸ் அணியின் கேப்டனாக இருந்தவர் ஸ்ரேயாஸ் அய்யர். இவர் இங்கிலாந்துக்கு எதிரான ஒருநாள் போட்டியில் தோள்பட்டையில் காயமடைந்தார்.

இதனால் டெல்லி அணியின் புதிய கேப்டனாக ரிஷாப் பண்ட் நியமிக்கப்பட்டுள்ளார். டெல்லி அணியின் கேப்டனாக தேர்வானது குறித்து குறித்து ரிஷாப் பண்ட் கூறியதாவது:

கனவு நனவானது

நான் டெல்லியில் பிறந்து வளர்ந்தவன். 6 ஆண்டுகளுக்கு முன்பு டெல்லி அணியுடன் தான் ஐ.பி.எல். பயணத்தை தொடங்கினேன். இந்த அணியை ஒருநாளாவது வழிநடத்த வேண்டும் என்பது எனது கனவாக இருந்தது. இந்த கனவு தற்போது நனவாகியுள்ளது. மிகுந்த மகிழ்ச்சியில் இருக்கிறேன்.

ரிஷாப் பண்ட்

கேப்டன் பொறுப்பை சிறப்பாக செய்வேன் என என்மீது நம்பிக்கை வைத்த அணி நிர்வாகிகளுக்கு நன்றி.   அற்புதமான பயிற்சியாளர்கள், அனுபவ திறமை வீரர்கள், துடிப்பான இளம்வீரர்கள் என்னை சுற்றி இருக்கிறார்கள். இதனால் டெல்லி அணியை திறம்பட வழிநடத்த காத்திருக்கிறேன், என்றார்.

---