ஐ.பி.எல். டெல்லி அணியின் புதிய கேப்டன் ரிஷாப் பண்ட்

புதுடெல்லி, மார்ச் 31-

ரிஷாப் பண்ட்

ஐ.பி.எல். போட்டியில் டெல்லி கேப்பிட்டல்ஸ் அணியின் புதிய கேப்டனாக இளம் விக்கெட் கீப்பர் பேட்ஸ்மென் ரிஷாப் பண்ட் தேர்ந்தெடுக்கப்பட்டுள்ளார்.  

ஸ்ரேயாஸ் அய்யர் விலகல்

ஐ.பி.எல். கிரிக்கெட் போட்டிகள் ஏப்ரல் 9ந் தேதி தொடங்கி மே மாதம் 30ம் தேதி முடிவடைகிறது.  8 அணிகளும் பயிற்சியை தொடங்கி உள்ளன.

ஸ்ரேயாஸ் அய்யர்

இந்நிலையில் தான் டெல்லி கேப்பிட்டல்ஸ் அணியின் கேப்டன் ஸ்ரேயஸ்  அய்யர் சமீபத்தில் புனேவில் நடந்த இங்கிலாந்துக்கு எதிரான ஒருநாள் போட்டியில் தோள்பட்டையில் காயமடைந்தார். இவர் நடைபெற உள்ள ஐ.பி.எல். போட்டியில் பங்கேற்க மாட்டார். 

ரிஷாப் பண்ட் தேர்வு

இதனால் டெல்லி அணியின் புதிய கேப்டன் யார் என்ற கேள்வி எழுந்தது. மூத்த வீரரர்களான அஸ்வின், தவான் மற்றும் ராஜஸ்தான் அணியில் இருந்து ஏலத்தில் எடுக்கப்பட்ட ஆஸ்திரேலியாவின் ஸ்டீவ் ஸ்மித் மற்றும் ரிஷாப் பண்ட் பெயர்கள் கேப்டன் பதவிக்கு முன்னிலையில் இருந்தன.

ரிஷாப் பண்ட்

இந்நிலையில் கேப்டனாக ரிஷாப் பண்ட் தேர்வு செய்யப்பட்டுள்ளார். இதன்மூலம் முதன் முறையாக ஐ.பி.எல். போட்டிகளில் ரிஷாப் பண்ட் ஒரு அணிக்கு தலைமை வகிக்க உள்ளார்.