லோகேஷ் கனகராஜின் வயது தெரியுமா: பிறந்தநாளுக்கு நேரில் வாழ்த்திய பிரபல இயக்குனர்கள்

சென்னை, மார்ச் 17- 

‛மாஸ்டர்’ பட இயக்குனர் லோகேஷ் கனகராஜ் சமீபத்தில் பிறந்தாள் கொண்டாடிய நிலையில் அவரை பிரபல இயக்குனர்கள் மணிரத்னம், கவுதம் வாசுதேவ் மேனன் உள்ளிட்டோர் நேரில் சென்று வாழ்த்தினர்.

லோகேஷ் பிறந்தநாள்

இளையதளபதி விஜய் மற்றும் மக்கள் செல்வன் விஜய் சேதுபதியை கொண்டு மாஸ்டர் படம் இயக்கியவர் இயக்குனர் லோகேஷ் கனகராஜ். இப்படம் சூப்பர் டூப்பர் ஹிட் ஆனது.

அடுத்ததாக ‛விக்ரம்’ என்ற பெயரில் நடிகர் கமலை அவர் இயக்குகிறார். தற்போது கமல் சட்டசபை தேர்தல் பிரசாரத்தில் தீவிரமாக ஈடுபட்டுள்ளதால் வரும் ஜூன் மாதம் இதற்கான படப்பிடிப்பு தொடங்க உள்ளது.

இந்நிலையில் லோகேஷ் கனகராஜ் கடந்த 14ந் தேதி தனது 35வது பிறந்தநாளை கொண்டாடினார். பிறந்தாளையொட்டி அவருக்கு திரைப்பிரபலங்கள் வாழ்த்து தெரிவித்தனர்.

இயக்குனர்கள் நேரில் வாழ்த்து

இந்நிலையில் தமிழ் சினிமாவின் முன்னணி இயக்குனர்களான மணிரத்னம், சங்கர், கவுதம் வாசுதேவ் மேனன், ஏ.ஆர்.முருகதாஸ், லிங்குசாமி, சசி, வசந்தபாலன் ஆகியோர் நேரில் சந்தித்து கேக் வெட்டி லோகேஷ் கனகராஜ் பிறந்தநாளை கொண்டாடி உள்ளனர்.

இதுதொடர்பான படங்கள் தற்போது இணையதளங்களில் வைரலாக பரவி வருகின்றன.

 

#logeshkanagaraj #directorofmaster #mastermoviedirector #logeshkanangajdirector #logeshkanagarajabirthday #tamildirectorswishes #maniratnam #shnakar #gautamvasudevmenon #lingusamy #vasanthabalan #armurugadoss