‛தல’ அஜித்தின் ‛வலிமை’ பட புதிய அப்டேட்: ரசிகர்களுக்கு இனி கொண்டாட்டம் தான்

சென்னை, மார்ச் 15-

‛தல’ அஜித்தின் ‛வலிமை’ படத்தின் புதிய ‛அப்டேட்’ குறித்த தகவல் வெளியாகியுள்ளது. இனி அஜித் ரசிகர்களுக்கு இரட்டிப்பு மகிழ்ச்சியோடு கொண்டாட்டம் தான்.

அஜித்தின் ‛வலிமை’

தமிழ் சினிமாவில் முன்னணி நடிகர் அஜித். ரசிகர்களால் ‛தல’ என அன்போடு அழைக்கப்படுகிறார். இயக்குனர் வினோத் இயக்கத்தில் அஜித் போலீஸ் அதிகாரியாக நடிக்கும் படம் வலிமை.

போனி கபூர் தயாரிக்கிறார். யுவன்சங்கர் ராஜா இசைஅமைக்கிறார். கதாநாயகியாக ஹூமா குரேஷி நடிக்கிறார்.

அப்டேட் கேட்கும் ரசிகர்கள்

கொரோனா பரவலால் படப்பிடிப்பு முடிவதில் தொடர்ந்து தாமதம் நிலவி வருகிறது. இதை பொறுக்காத ரசிகர்கள் சமூகவலைதளங்களில் வலிமை ‛அப்டேட்’ கேட்டு டிரெண்ட் செய்வதை வாடிக்கையாக வைத்துள்ளனர்.

சமீபத்தில் நடந்த இந்தியாவுக்கு எதிரான டெஸ்ட் போட்டியில் இங்கிலாந்து வீரர் மொயின்அலியிடமும் வலிமை ‛அப்டேட்’ கேட்டு தெறிக்கவிட்டனர். அதோடு மட்டுமல்லாமல் தேர்தல் பிரசாரம் செய்த முதல்வர் பழனிசாமியையும் விட்டுவைக்கவில்லை. அவரிடமும் வலிமை படம் குறித்த விவரங்களை கேட்டனர்.

ஸ்பெனில் 20 நாள் படப்பிடிப்பு

இந்நிலையில் வலிமை படம் குறித்த முக்கிய அறிவிப்பு தற்போது வெளியாகியுள்ளது. அதாவது அடுத்தமாதம்(ஏப்ரல்) 10 நாட்கள் ஸ்பெயின் நாட்டில் படப்பிடிப்பு நடக்கிறது.

அஜித் பைக்கில் வேகமாக செல்ல பிரமாண்டமான ‛ஸ்டண்ட்’ காட்சி  படமாக்கப்பட உள்ளது. கொரோனா பரவல் இன்னும் முடிவுக்கு வராமல் இருப்பினும் ஸ்பெனில் படப்பிடிப்பு நடத்துவதற்கான ஏற்பாடுகளை படக்குழுவினர் செய்து வருகின்றனர்.

படம் வெளியீடு எப்போது

இதோடு படப்பிடிப்பு முற்றிலுமாக முடிகிறது. அதைத்தொடர்ந்து படத்துக்கான மோஷன் போஸ்டர் அல்லது பர்ஸ்ட்லுாக் வெளியாக உள்ளது.

வலிமை ‘அப்டேட்’ கேட்டு அலப்பறை செய்து காத்திருக்கும் ரசிகர்களுக்கு இரட்டிப்பு மகிழ்ச்சி அளிக்கும் வகையில் அஜித்தின் 50வது பிறந்தநாளில் (மே 1) படம் வெளியாகலாம் என கூறப்படுகிறது.

#valimainewupdate #thalaajith #ajithvalimai #yuvanshankarraja #bonikapur #directorvinod #spain #valimaiupdate #newupdateforajithfans #ajithfans #வலிமை #வலிமைஅஜித்