சென்னை அணியின் இதயத்துடிப்பு டோனி; பயிற்சியாளர் பிளமிங் புகழாரம்

 

மும்பை, ஏப்.17-

‛‛சென்னை அணியின் இதயத்துடிப்பு டோனி’’ என அந்த அணியின் தலைமை பயிற்சியாளர் ஸ்டீபன் பிளமிங் கூறினார்.

டோனியின் 200 வது போட்டி

ஐ.பி.எல். தொடங்கியது முதல் சென்னை சூப்பர் கிங்ஸ் அணியின் கேப்டனாக இருப்பவர் டோனி.  டோனி சென்னை அணிக்காக 200 போட்டிகளில் பங்கேற்று உள்ளார். மும்பையில் நடந்த பஞ்சாப்புக்கு எதிரான போட்டியில் டோனி இந்த மைல்கல்லை எட்டினார்.

இதுவரை டோனி தலைமையில் சென்னை அணி 3 முறை ஐ.பி.எல். சாம்பியன் பட்டத்தையும், 2 முறை சாம்பியன் லீக் பட்டத்தையும் வென்றுள்ளது. இந்நிலையில் டோனி பற்றி சென்னை அணியின் தலைமை பயிற்சியாளரான ஸ்டீபன் பிளமிங் கருத்து தெரிவித்துள்ளார். அவர் கூறியதாவது:

இதயத்துடிப்பு டோனி

சென்னை சூப்பர் கிங்ஸ் அணியின் இதயத்துடிப்பு டோனி. திறமையான செயல்பானா வழிக்காட்டல், தலைமை பண்பு என எதை பற்றி பேசினாலும் டோனி பற்றி கூறாமல் இருக்க முடியாது. சென்னை அணியுடனான அவரது நீண்டகால பயணம் பாராட்டத்தக்கது.

சென்னை அணிக்காக 200 போட்டியில் டோனி விளையாடி விட்டார். இருப்பினும் அணி சிறப்பாக செயல்பட வேண்டும் என்ற எண்ணத்தில் கவனமாக இருந்து வருகிறார். அணி உரிமையாளர் மற்றும் டோனி இடையே நல்ல புரிதல் உள்ளது. இது வரவேற்கத்தக்கது.

இவ்வாறு அவர் கூறினார்.