இளையதளபதி விஜய் பட கதாநாயகிக்கு கொரோனா

பூஜா ஹெக்டே

சென்னை, ஏப்.25-

இளையதளபதி விஜயின் 65வது படத்தில் கதாநாயகியாக நடிக்க இருந்த ‛புட்டபொம்மா புட்டபொம்மா’ பாடல் புகழ் பூஜா ஹெக்டே கொரோனாவால் பாதிக்கப்பட்டுள்ளார்.

விஜயின் 65வது படம்

இளையதளபதி விஜயின் அடுத்த படத்தை ‛கோலமாவு கோகிலா’ படப்புகழ் இயக்குனர் நெல்சன் திலீப்குமார் இயக்குகிறார். இந்த படத்துக்கு இன்னும் பெயர் வைக்கவில்லை. இதனால் தளபதி65 என அழைக்கப்பட்டு வருகிறது.

பூஜா ஹெக்டே

இப்படத்தில் நடிகை பூஜா ஹெக்டே கதாநாயகியாாக நடிக்கிறார். படப்பிடிப்புக்காக விஜய் மற்றும் படக்குழுவினர் ஏப்.,7ல் ஐரோப்பா புறப்பட்டு சென்றனர். பூஜா ஹெக்டே தான் நடிக்கும் தெலுங்கு மொழி படப்பிடிப்பை முடித்துவிட்டு புறப்பட இருந்தார்.

பூஜா ஹெக்டேவுக்கு கொரோனா

இந்நிலையில் பூஜா ஹெக்டே கொரோனாவால் பாதிக்கப்பட்டுள்ளார். இதுபற்றி அவர் தனது டுவிட்டர் பக்கத்தில், ‛‛எனக்கு கொரோனா பாதிப்பு உறுதி செய்யப்பட்டுள்ளது. அனைத்து பாதுகாப்பு வழிமுறைகளையும் பின்பற்றி வீட்டில் என்னை நானே தனிமைப்படுத்தி உள்ளேன். சமீபத்தில் என்னை சந்தித்தோர் அனைவரும் கொரோனா பரிசோதனை செய்து கொள்ள விரும்புகிறேன்’’ என கூறியுள்ளார்.