சி.எஸ்.கே.வின் வெறித்தன பயிற்சி வீடியோ; முதல் ஆட்டத்தை வெல்லுமா

 மும்பை, ஏப்.10-

வீடியோ இணைப்பு கீழே கொடுக்கப்பட்டுள்ளது

மும்பையில் இன்று நடக்கும் 2வது ஐ.பி.எல். போட்டியில் சென்னை சூப்பர் கிங்ஸ் (சி.எஸ்.கே.), டெல்லி கேப்பிட்டல்ஸ் அணிகள் மோதுகின்றன. இந்நிலையில் சி.எஸ்.கே. வீரர்கள் பயிற்சி மேற்கொண்ட வெறித்தனமான பயிற்சி வீடியோ இணையத்தில் வைரலாகியுள்ளது.

முதல் போட்டி

2021ம் ஆண்டுக்கான ஐ.பி.எல். கிரிக்கெட் போட்டி சென்னையில் நேற்று தொடங்கியது. முதல் போட்டியில் நடப்பு சாம்பியன் மும்பை இந்தியன்ஸ், பெங்களூரு ராயல் சேலஞ்சர்ஸ் அணிகள் மோதின. பெங்களூரு அணி வென்றது.

ஐ.பி.எல். தொடரில் 2வது போட்டியாக இன்று ‛தல’ டோனி தலைமையிலான சென்னை சூப்பர் கிங்ஸ், ரிஷாப் பண்ட் வழிநடத்தும் டெல்லி கேப்பிட்டல்ஸ் அணிகள் மோதுகின்றன. இப்போட்டி இன்று இரவு 7.30 மணிக்கு மும்பை வான்கடே மைதானத்தில் தொடங்குகிறது. போட்டிக்காக இருஅணி வீரர்களும் தீவிர வலைப்பயிற்சியில் ஈடுபட்டு வருகின்றனர்.

சிக்ஸர்கள் பறந்தன

இதன் ஒருபகுதியாக சென்னை அணி வீரர்கள் இருஅணியாக பிரிந்து பயிற்சி மேற்கொண்டனர். இதில் டோனி, ‛சின்ன தல’ ரெய்னா, உத்தப்பா, மொயின் அலி, ஜடேஜா உள்ளிட்ட வீரர்கள் வெளுத்து வாங்கினர். மைதானத்தின் நாலாபுறமும் பந்தை விரட்டி அடித்தனர். ஜடேஜா ‛பேட்’ சுற்றும் காட்சி கண்களில் ஒத்திக்கொள்வது போல் உள்ளது.

அதேநேரத்தில் நாங்கள் என்ன திறமையில் குறைந்தவர்களா என கேள்வி கேட்கும் வகையில் சி.எஸ்.கே. பவுலர்கள் துல்லியமாக யார்க்கர் வீசி பேட்ஸ்மென்களை திணறடித்தனர். மேலும் சி.எஸ்.கே.,வின் ‛செல்லப்பிள்ளை’ பிராவோவின் நடனம் ரசிகர்களுக்கு விருந்தாக அமைந்துள்ளது.

இந்த வீடியோவை சென்னை அணி வெளியிட்டுள்ளது.  இதை ரசிகர்கள் வைரலாக்கி வருகின்றனர்.

வீடியோவை பார்க்க....

முந்தைய செய்திக்கு....

https://www.newsthendral.com/2021/04/RCBPUNJABTWITTERBANTER.html