கமலுக்கு எதிரியா பஹத் பாசில்; ‛விக்ரம்’ பட புதிய அப்டேட்

சென்னை, மே 23-

நடிகர் கமல்ஹாசன் நடிக்கும் ‛விக்ரம்’ படத்தின் புதிய அப்டேட் வெளியாகியுள்ளது. படத்தில் மலையாள நடிகர் பஹத் பாசில் அவருக்கு எதிராக நடிக்க வாய்ப்புள்ளது என்ற தகவல் கசிந்துள்ளது.

கமல் படத்தில் பஹத்

உலக நாயகன் கமல்ஹாசனின் 232வது படம் ‘விக்ரம்’. இயக்குனர் லோகேஷ் கனகராஜ் இயக்குகிறார்.

கமலுடன், லோகேஷ் கனகராஜ்

கொரோனா பரவலால் படப்பிடிப்பு தாமதாகி வருகிறது. இந்த தொற்று நோய் பரவல் முடியும் நிலையில் படப்பிடிப்பு முழுவீச்சில் தொடங்க உள்ளது.

கதாபாத்திரம் என்ன

இந்த படத்தில் நடிகை நஸ்ரியாவின் கணவரான மலையாள நடிகர் பஹத் பாசில் சமீபத்தில் இணைந்தார். அவர் எந்த கதாபாத்திரத்தில் நடிக்க உள்ளார் என்ற ஆர்வம் ரசிகர்களிடம் ஏற்பட்டது.  இந்நிலையில் விக்ரம் படத்தில் பஹத் பாசிலின் கதாபாத்திரம் என்ன என்பது குறித்த விவரங்கள் இணையதளத்தில் வலம் வருகின்றன.

பஹத் பாசில்

அதன்படி ஒரு தரப்பு முறைகேடு செய்யும் போலீஸ் அதிகாரியான பஹத் பாசில் சிறையில் இருந்து குற்றவாளிகள் தப்ப உதவி செய்யும் வகையில் நடிக்கிறார் எனவும், இன்னொரு தரப்போ அவர் அரசியல்வாதியாக படத்தில் வர உள்ளதாகவும் தகவல்களை பரவவிட்டுள்ளது. இருப்பினும் பஹத் பாசிலின் கதாபாத்திரம் பற்றி இன்னும் அதிகாரப்பூர்வ தகவல்கள் வெளிவரவில்லை. ஆனாலும் அவர் விக்ரம் படத்தில் கமலுக்கு எதிரியாக நடிக்க அதிக வாய்ப்புள்ளதாக கூறப்படுகிறது.