‛பிக்பாஸ்’ வெற்றியாளருடன் இணைந்த ‛பவி’ டீச்சர்

சென்னை, மே 23-

‛பிக்பாஸ்’ வெற்றியாளர் முகன்ராவ் ஹீரோவாக நடிக்கும் புதிய படத்தில் பவி டீச்சரான பிரிகிடா முக்கிய கதாபாத்திரத்தில் நடிக்க உள்ளார்.

வேலன் படத்தில் பிரிகிடா

விஜய் டிவியில் ஒளிபரப்பான ‘பிக்பாஸ்’ நிகழ்ச்சியில் வெற்றி பெற்றவர் முகன்ராவ். இவர் ஹீரோவா நடிக்கும் படம் ‘வேலன்’. கவின் மூர்த்தி இயக்குகிறார். இந்த படத்தில் நடிகர்கள் பிரபு, சூரி, தம்பி ராமையா உள்ளிட்டோர் முக்கிய கதாபாத்திரங்களில் நடிக்கிறார்கள்.

இதன் தொடர்ச்சியாக யூ–டியூப் புகழ் பிரிகிடா (பவி டீச்சர்) முக்கிய வேடத்தில் நடிக்கிறார். இவர் கல்லூரி மாணவியாக நடிக்கலாம் என தகவல்கள் வெளியாகியுள்ளன

பவி டீச்சராக கலக்கியவர்

பிரிகிடா யூ–டியூப்பில் வெளியான ‘ஆஹா கல்யாணம்’ தொடரில் ‘பவி’ என்ற பெயரில் டீச்சராக நடித்து புகழ்பெற்றார். எதார்த்த நடிப்பால் இளசுகளின் மனதை வென்ற இவர் வெள்ளித்திரையிலும் கால்பதித்தார்.

நடிகர் விஷாலின் ‛அயோக்கியா’ படம் மூலம் தமிழ் சினிமாவில் அறிமுகமான இவர் விஜய் நடித்த மாஸ்டர் படத்தில் கல்லூரி மாணவியாக நடித்திருந்தது குறிப்பிடத்தக்கது.