ஐ.பி.எல். போட்டி அட்டவணை வெளியீடு; முதல் போட்டியில் சென்னை-மும்பை மோதல்

அபுதாபி, ஜூலை 26-

கொரோனாவால் பாதியில் கைவிடப்பட்ட 2021ம் ஆண்டுக்கான ஐ.பி.எல்., போட்டி அட்டவணை வெளியிடப்பட்டுள்ளது. முதல் போட்டியில் பரம எதிரிகளான சென்னை-மும்பை அணிகள் மோதுகின்றன.

ஐக்கிய அரபு எமிரேட்சில்...

இந்தியாவில் 2021ம் ஆண்டுக்கான 14வது ஐ.பி.எல். சீசன் போட்டிகள் தொடங்கி நடைபெற்றது. லீக் சுற்றில் 29 போட்டிகள் நடந்த நிலையில் கொரோனா பரவல் காரணமாக மே மாதம் போட்டிகள் ரத்து செய்யப்பட்டன.

எஞ்சிய 31 போட்டிகள் ஐக்கிய அரபு எமிரேட்சில் நடத்த முடிவு செய்யப்பட்டது. போட்டி அட்டவணை மட்டும் வெளியிடப்படாமல் இருந்தது.

27 நாளில் 31 போட்டிகள்

இந்நிலையில் நேற்று பி.சி.சி.ஐ., போட்டி அட்டவணையை வெளியிட்டது. அதன்படி செப்டம்பர் 19ந் தேதி மீண்டும் ஐ.பி.எல். போட்டி தொடங்குகிறது. அக்டோபர் 15ல் பைனல் நடக்கிறது. 27 நாட்களில் மொத்தம் 31 போட்டிகள் அரங்கேற உள்ளன.

பைனல் உள்பட 13 போட்டிகள் துபாயிலும், 10 போட்டிகள் ஷார்ஜாவிலும், 8 போட்டிகள் அபுதாபியிலும் நடக்கிறது. அனைத்து போட்டிகளும் இந்திய நேரப்படி மாலை 3.30 மற்றும் இரவு 7.30 மணிக்கு தொடங்க உள்ளன.

முதல் போட்டியில் சென்னை-மும்பை

செப்டம்பர் 19ல் நடக்கும் முதல் போட்டியில் பரமஎதிரிகளான ‛தல’ டோனியின் சென்னை சூப்பர் கிங்ஸ்(சி.எஸ்.கே.) அணியும், ‛ஹிட்மேன்’ ரோகித் சர்மாவின் நடப்பு சாம்பியன் மும்பை இந்தியன்ஸ் அணியும் மோதுகின்றன. இந்த போட்டி துபாயில் நடக்கிறது.

ஐ.பி.எல்., அட்டவணையை தெளிவாக பார்க்க Click here

தொடர்பான செய்திகள்

* ‛நானும் பிராமின் தான்’; சுரேஷ் ரெய்னாவில் பேச்சால் வெடித்த சர்ச்சை

* டோனி இல்லையேல், நானும் விளையாடமாட்டேன்; சி.எஸ்.கே. அணி குறித்து ‛சின்னதல’ ரெய்னா வெளிப்படை

* ஐ.பி.எல்.லில் புதிய அணி சாம்பியன்; ரவிசாஸ்திரி கணிப்பு

* ‛ஆன்டி செக்ஸ் பெட்’அறிமுகமா; ஒலிம்பிக்கில் வெடித்த சர்ச்சை