நடிகர் விஜய்க்கு முழுஉருவ சிலை; சென்னையில் திறப்பு

சென்னை, ஜூலை 26-

நடிகர் விஜய்க்கு சென்னை பனையூரில் முழுஉருவ சிலை நிறுவப்பட்டுள்ளது. இந்த சிலையை கன்னட ரசிகர்கள் வழங்கியுள்ளனர். இதுதொடர்பான படங்கள் இணையதளத்தில் வைரலாகியுள்ளன.

கன்னட ரசிகர்கள் சிலை பரிசு

தமிழ் சினிமாவின் உச்ச நட்சத்திரமாக இருப்பவர் இளையதளபதி விஜய். சிறுவர்கள், இளம்வயதினர், முதியவர்கள் என வயது பாகுபாடு இன்றி ரசிகர் பட்டாளத்தை கொண்டுள்ளார். இவரின் வெறித்தனமாக ரசிகர்கள் கேரளா, ஆந்திரா மாநிலங்களில் உள்ளனர்.

இந்த வரிசையில் தற்போது கர்நாடகமும் இணைந்துள்ளது. இதன் வெளிப்பாடாக தான் கர்நாடக மாநிலம் தட்சின கன்னடா மாவட்டம் மங்களூருவை சேர்ந்த விஜய் ரசிகர்கள் அவருக்கு முழு உருவசிலை செய்துள்ளனர். இந்த சிலையை தமிழகத்துக்கு பரிசளித்துள்ளனர்.

சிலை திறப்பு

ஆளுயர சிலையானது சென்னை பனையூரில் உள்ள விஜய் மக்கள் இயக்கம் அலுவலகத்தில் நேற்று நிறுவப்பட்டது. விஜய் மக்கள் இயக்கத்தின் பொதுச்செயலாளர் ஆனந்த் சிலையை திறந்து வைத்தார்.

அப்போது ரசிகர்கள், ‛‛வாழ்க விஜய்... தளபதி வாழ்க... மன்னாதி மன்னன் விஜய் வாழ்க’’ என்ற ரசிகர்களின் கோஷங்கள் விண்ணணை பிளந்தன.

இணையதளத்தில் வைரல்

தற்போது விஜய் சிலை மாலையுடன் இருக்கும் படங்கள் இணையதளங்களில் வைரலாகியுள்ளன.

நடிகர் விஜய் தற்போது இயக்குனர் நெல்சன் திலீப்குமார் இயக்கத்தில் சன்பிக்சர்ஸ் தயாரிக்கும் ‛பீஸ்ட்’ என பெயர் சூட்டப்பட்ட படத்தில் நடித்து வருகிறார். இந்த படத்துக்கு அனிருத் இசையமைக்கிறார். படப்பிடிப்புகள் சென்னை புறநகரில் நடந்து வருவது குறிப்பிடத்தக்கது.