‛‛வாழு... வாழ விடு’’- நடிகர் அஜித் திடீர் அறிக்கை
சென்னை, ஆக.6-
30 ஆண்டுகால திரையுலக பயணம்
தமிழ் திரையுலகில் முன்னணி நடிகராக இருப்பவர் அஜித். ‛தல’ என ரசிகர்களால் அன்போடு அழைக்கப்படுகிறார். இவர் திரையுலகில் அடியெடுத்து வைத்ததன் 30 ஆண்டுகளாகிறது.
தமிழில் ‛அமராவதி’ படம் மூலம் அறிமுகமான அஜித் இன்று முன்னணி கதாநாயகனாக வலம் வருகிறார். இவருக்கென தனி ரசிகர்கள் பட்டாளமே உள்ளது.
ரசிகர்களுக்கு ‛மெசெஜ்’
இந்நிலையில் அவர் தனது ரசிகர்களுக்காக செய்தி தொடர்பாளர் சுரேஷ் சந்திரா மூலம் அறிக்கை ஒன்றை வெளியிட்டுள்ளார். இதை சுரேஷ் சந்திரா தனது டுவிட்டர் பக்கத்தில் குறிப்பிட்டுள்ளார். அதில் கூறப்பட்டுள்ளதாவது:
‛‛ரசிகர்கள், வெறுப்பாளர்கள் மற்றும் நடுநிலையாளர்கள் ஆகியோர் நாணயத்தின் 3 பக்கங்கள். ரசிகர்களிடம் இருந்து கிடைக்கும் அன்பு, வெறுப்பாளர்களிடம் இருந்து வரும் வெறுப்பு, நடுநிலையாளர்களின் நடுநிலையான பார்வை ஆகியவற்றை தலைவணங்கி ஏற்றுக்கொள்கிறேன்.
வாழு, வாழவிடு... எதிர்ப்பார்ப்பில்லாத அன்பு எப்பொழுதும் உண்டு...
அஜித்குமார்,’’ என குறிப்பிட்டுள்ளார்.
தொடரும் ‛வலிமை அப்டேட்’
தற்போது நடிகர் அஜித் இயக்குனர் எச்.வினோத் இயக்கத்தில் போனிகபூர் தயாரிப்பில் ‛வலிமை’ படத்தில் நடித்துள்ளார். ரசிகர்கள் கேட்டதையடுத்து இந்த படத்தின் அப்டேட்டுகள் அடுத்தடுத்து வந்து கொண்டிருக்கின்றன.
யுவன் சங்கர் ராஜா இசையில் சமீபத்தில் ‛வலிமை’ படத்தின் பாடல் ‛சிங்கிள் ட்ராக்’ வெளியிடப்பட்டது. நயன்தாராவின் காதலர் விக்னேஷ் சிவன் எழுதிய ‛நாங்க வேற மாரி... நாங்க வேற மாரி... எல்லா நாளும் நல்ல நாளுதான்...’’ என தொடங்கும் இப்பாடல் இணையத்தில் வைரலாகி உள்ளது குறிப்பிடத்தக்கது. மேலும் இந்த செய்தியை படிக்க கிளிக் செய்யுங்கள்; ‛தல’ அஜித்தின் கச்சிதமான தோற்றம்; இணையத்தை தெறிக்கவிடும் ‛ஸ்டைலிஸ்’ புகைப்படம்
No comments