நெல்லை, தென்காசி பள்ளி, கல்லுாரிகளுக்கு இன்று விடுமுறை; கலெக்டர்கள் அறிவிப்பு

திருநெல்வேலி/ தென்காசி, நவ.,9-

கனமழையின் காரணமாக திருநெல்வேலி, தென்காசி மாவட்ட பள்ளி, கல்லுாரிகளுக்கு இன்று(நவம்பர் 9) ஒருநாள் மட்டும் விடுமுறை வழங்கி அந்தந்த மாவட்ட கலெக்டர்கள் உத்தரவிட்டுள்ளனர்.

தமிழகத்தில் கனமழை

தமிழகத்தில் வடகிழக்கு பருவமழை தீவிரமாக பெய்து வருகிறது. சென்னையில் பல இடங்களை வெள்ளம் சூழ்ந்துள்ளது. மக்களின் இயல்பு வாழ்க்கை பாதிக்கப்பட்டுள்ளது.

தென்மாவட்டங்களிலும் தொடர் கனமழை பெய்து வருகிறது. நேற்று திருநெல்வேலி, தென்காசி மாவட்டங்களின் பல இடங்களில் கனமழை கொட்டித்தீர்த்தது. தமிழகம் முழுவதும் நவ.,11 வரை கனமழை நீடிக்கும் என வானிலை ஆய்வு மையம் அறிவித்துள்ளது.

இன்று விடுமுறை

இந்நிலையில் கனமழையின் காரணமாக திருநெல்வேலி மாவட்ட பள்ளி, கல்லுாரிகளுக்கு இன்று(நவ.,9)விடுப்பு அளித்து கலெக்டர் விஷ்ணு அறிவித்துள்ளார்.

இதேபோல், தென்காசி மாவட்ட பள்ளி, கல்லுாரிகளுக்கும்  இன்று(நவ.,9) விடுமுறை அளிக்கப்படுவதாக கலெக்டர் கோபால சுந்தர்ராஜ் கூறியுள்ளார்.