விஜய்க்கு கதை கூறிய வலிமை இயக்குனர்; ‛ரிசல்ட்’ என்னாச்சு தெரியுமா...

சென்னை, ஜன.9–

நடிகர் அஜித்தின் ‘வலிமை’ பட இயக்குனர் எச்.வினோத், நடிகர் விஜயிடம் கதை கூறியுள்ளார். கதை விவாதம் என்ன ஆனது என்பது பற்றி 

எச்.வினோத்தே தெரிவித்துள்ளார்.

அதுபற்றிய விவரம் வருமாறு:-

விஜய், அஜித்

தமிழ் சினிமாவில் முன்னணி நடிகர்களாக விஜய், அஜித் உள்ளனர். இவர்கள் இருவருக்கும் பெரும் ரசிகர்கள் பட்டாளம் உள்ளது. இவர்களின் படங்கள் வெளியாகும்நாளை திருவிழா போல் ரசிகர்கள் கொண்டாடி வருகிறார்கள்.
 மேலும் திரையுலகில் இருவரும் முன்னணியில் இருப்பதால் ரசிகர்கள் அவ்வப்போது சமூக வலைத்தளங்களில் மோதுவதும் உண்டு.

இதுஒருபுறம் இருக்க விஜய், அஜித் ஆகியோரின் படங்களை இயக்க இயக்குனர்கள் போட்டி போடுகின்றனர். ஆனால் இது சுலபமில்லை. இதனால் விஜயை இயக்கியவர்களுக்கு அஜிரத்தையும், அஜித்தை இயக்கியவர்களுக்கு விஜயையும் இயக்கும் வாய்ப்பு பெரும்பாலும் கிடைப்பது இல்லை.

விஜயுடன், வினோத் சந்திப்பு

இந்நிலையில் தான் அஜித்தின் வலிமை படத்தை இயக்கிய இயக்குனர் எச்.வினோத் நடிகர் விஜயிடம் கதை கூறிய விவகாரம் வெளிவந்துள்ளது.

இதுகுறித்து எச்.வினோத் அளித்த போட்டியில், ‘‘நான் நடிகர் விஜயை 3 முறை சந்தித்தேன். 2 முறை கதை கூற வாய்ப்பளித்தார்.கதை விஜயை ஈர்க்கவில்லை.  இதனால் படம் இயக்கப்படவில்லை’’ என தெரிவித்தார். மேலும் விஜயை கவரும் வகையில் கதை எழுதி  அவரை வைத்து படம் இயக்கும் நம்பிக்கையில் எச்.வினோத் உள்ளார்.

வலிமை

நடிகர் அஜித்தை வைத்து எச்.வினோத் இயக்கிய வலிமை படத்தின் டிரெய்லர் வெளியாகி ரசிகர்களை குஷிப்படுத்தியது.

மேலும் பொங்கலுக்கு படம் ரிலீசாக இருந்த நிலையில் கொரோனா பரவலால் மீண்டும் தள்ளிப்போயுள்ளது குறிப்பிடத்தக்கது.