நெகட்டிவ் ரோலில் அஜித்; ‘ஏகே61’ பற்றிய புதுஅப்டேட்

சென்னை, பிப்,6-

‘வலிமை’ ரிலீஸ் தள்ளி போன நிலையில் நடிகர் அஜித்தின் 61வது படம் பற்றிய புதுஅப்டேட் வெளியாகியுள்ளன. இதில் அஜித் ‘நெகட்டிவ்’ ரோலில் நடிக்க உள்ளார்.

வலிமை ரிலீஸ் தள்ளிவைப்பு

தமிழ் திரையுலகில் முன்னணி நடிகராக இருப்பர் அஜித் குமார். இயக்குனர் எச்.வினோத் இயக்கத்தில் அவர் நடித்த வலிமை படம் ரிலீசுக்கு தயாராக உள்ளது. இதை போனிகபூர் தயாரித்துள்ளார். படத்தின் டிரெய்லர் வெளியாகி ரசிகர்களிடையே பெரும் வரவேற்பை பெற்றது.

பொங்கலுக்கு படம் ரீலிசாக இருந்தது. 2 ஆண்டு காத்திருப்புக்கு விடைகிடைக்கும் என ரசிகர்கள் எதிர்ப்பார்த்தனர். ஆனால், கொரோனா பரவலால் ரிலீஸ் தேதி மீண்டும் தள்ளி வைக்கப்பட்டுள்ளது. இதனால் ரசிகர்கள் பெரும் ஏமாற்றம் அடைந்துள்ளனர்.

‘ஏகே61’ புது ‘அப்டேட்’

இந்நிலையில் தான் ரசிகர்களை குதூகலப்படுத்தும் வகையில் அஜித்தின் 61வது படம் பற்றிய ‘அப்டேட்’ வெளியாகியுள்ளது. இதில் அஜித் மீண்டும் எச்.வினோத் இயக்கத்தில் நடிக்க உள்ளார். இதையும் போனிகபூர் தயாரிக்க இருக்கிறார். இந்த படத்தின் கதை குறித்து எச்.வினோத், வலிமை படப்பிடிப்பின் இறுதிக்கட்டத்தில் அஜித்திடம் கூறியுள்ளார். கதை பிடித்துபோக அஜித்தும் பச்சைக்கொடி காட்டியுள்ளார்.

அடுத்தமாதம் (மார்ச்) படப்பிடிப்பு துவங்க உள்ளது. இந்த படம் ஆக் ஷன் த்ரில்லராக எடுக்கப்படுகிறது. அஜித் நெகட்டிவல் ரோலில் நடிக்க உள்ளதாகவும், முதற்கட்ட படப்பிடிப்புக்காக பிரமாண்ட செட் அமைக்கப்பட உள்ளதாகவும் கூறப்படுகிறது. இதுபற்றிய முறையான அறிவிப்பை படக்குழு விரைவில் தெரிவிக்க உள்ளது என தகவல்கள் வெளியாகியுள்ளன.

நெகட்டிவ் ரோல் படங்கள்

இறுதியாக நடிகர் அஜித் மங்காத்தா படத்தில் நெகட்டிவ் ரோலில் நடித்தார். இந்த படம் ஹிட் அடித்தது.

அதன்பிறகு மீண்டும் ‘நெகட்டிவ்’ ரோலில் அஜித் நடிக்க உள்ளார். இதற்கு முன்பு பில்லா, வரலாறு, வாலி படங்களிலும் அஜித் நெகட்டிவ் ரோலில் நடித்திருந்தது குறிப்பிடத்தக்கது.